Popular Posts
Photo Gallery

Shri Vishnu Sahasranam Stotram.

श्रीविष्णुसहस्रनामस्तोत्रम् ।।

अस्य श्रीविष्णोर्दिव्यसहस्रनामस्तोत्रस्य भगवान् वेदव्यास ऋषि:, अनुष्टुप् छन्द:, श्रीकृष्ण: परमात्मा देवता, अमृतां-शूद्भवो भानुरिति बीजम्, देवकीनन्दन: स्रष्टेति शक्ति:, त्रिसामासामग: सामेति हृदयम्, शङ्खभृन्नन्दकी चक्रीति कीलकम्, शार्ङ्गधन्वा गदाधर इत्यस्रम्, रथाङ्गपाणिरक्षोभ्य इति कवचम्, उद्भव: क्षोभणो देव इति परमो मन्त्र:, श्रीविष्णुप्रीत्यर्थे सहस्रनामस्तोत्रपाठे विनियोग: ।।

अथ करन्यास: --
ॐ उद्भवाय अङ्गुष्ठाभ्यां नम: । ॐ क्षोभणाय तर्जनीभ्यां नम: ।
ॐ देवाय मध्यमाभ्यां नम: । ॐ उद्भवाय अनामिकाभ्यां नम: ।
ॐ क्षोभणाय कनिष्ठिकाभ्यां नम: । ॐ देवाय करतलकरपृष्ठाभ्यां नम: ।

इति करन्यास: ।

अथ हृदयादिषडङ्गन्यास: -
ॐ सुव्रत: सुमुख: सूक्ष्म: ज्ञानाय ह्रदयाय नम: ।
सहस्रमूर्द्धा विश्वात्मा ऐश्वर्याय शिरसे स्वाहा ।
सहस्रार्चि: सप्तजिह्व: शक्त्यै शिखायै वषट् ।
त्रिसामा सामग: साम बलाय कवचाय हुम् ।
रथाङ्गपाणिरक्षोभ्य: तेजसे नेत्राभ्यां वौषट् ।
शार्ङ्गधन्वा गदाधर: वीर्याय अस्त्राय फट् ।

दिग्वन्ध:  -
ऋतु: सुदर्शन: काल: भूर्भुवस्स्वरोम् ।

इति ह्रदयादिषडङ्गन्यास: ।

ध्यानम् ।।
शान्ताकारं भुजगशयनं पद्मनाभं सुरेशं, विश्वाधारं गगनसद्दशं मेधवर्णं शुभाङ्गम् ।लक्ष्मीकान्तं कमलनयनं योगिभिर्ध्यानगम्यं, वन्दे विष्णुं भवभयहरं सर्वलोकैकनाथम् ॥१॥सशङ्खचक्रं सकिरीटकुण्डलंसपीतवस्त्रं सरसीरुहेक्षणम् ।सहारवक्ष:स्थलकौस्तुभश्रियं नमामि विष्णुं सिरसा चतुर्भुजम् ॥२॥यस्य स्मरणमात्रेण जन्मसंसारबन्धनात् ।विमुच्यते नमस्तस्मै विष्णवे प्रभविष्णवे ॥नम: समस्तभूतानामादिभूताय भूभृते ।अनेकरूपरूपाय विष्णवे प्रभविष्णवे ॥

वैशम्पायन उवाच:-
श्रुत्वा धर्मानशेषेण पावनानि च सर्वश: ।
युधिष्ठिर: शान्तनवं पुनरेवाभ्यभाषत ॥१॥

युधिष्ठिर उवाच:-
किमेकं दैवतं लोके किं वाप्येकं परायणम् ।
स्तुवन्त: कं कमर्चन्त: प्राप्नुयुर्मानवा: शुभम् ॥२॥
को धर्म: सर्वधर्माणां भवत: परमो मत: ।
किं जपन्मुच्यते जन्तुर्जन्मसंसारबन्धनात् ॥३॥

भीष्म उवाच:-
जगत्प्रभुं देवदेवमनन्तं पुरुषोत्तमम् ।
स्तुवन्नामसहस्रेण पुरुष: सततोत्थित: ॥४॥
तमेव चार्चयन्नित्यं भक्त्या पुरुषमव्ययम् ।
ध्यायन्स्तुवन्नमस्यंश्च यजमानस्तमेव च ॥५॥
अनादिनिधनं विष्णुं सर्वलोकमहेश्वरम् ।
लोकाध्यक्षं स्तुवन्नित्यं सर्वदु:खातिगो भवेत् ॥६॥
ब्रह्मण्यं सर्वधर्मज्ञं लोकानां कीतिवर्धनम् ।
लोकनाथं महद्भूतं सर्वभूतभवोद्भवम् ॥७॥
एष मे सर्वधर्माणां धर्मोऽधिकतमो मत: ।
यद्भक्त्या पुण्डरीकाक्षं स्तवैरर्चेन्नर: सदा ॥८॥
परमं यो महत्तेज: परमं यो महत्तप: ।
परमं यो महद्‌ब्रह्म परमं य: परायणम् ॥९॥
पवित्राणां पवित्रं यो मङ्गलानां च मङ्गम् ।
दैवतं देवतानां च भूतानां योऽव्यय: पिता ॥१०॥
यत: सर्वानि भूतानि भवन्त्यादियुगागमे ।
यस्मिंश्च प्रलयं यान्ति पुनरेव युगक्षये ॥११॥
तस्प लोकप्रधानस्य जगन्नाथस्य भूपते ।
विष्णोर्नामसहस्रं मे श्रृणु पापभयापहम् ॥१२॥
यानि नामानि गौणानि विख्यातानि महात्मन: ।
ऋषिभि: परिगीतानि तानि वक्ष्यामि भूतये ॥१३॥

भीष्म उवाच:--

ॐ विश्वं विष्णुर्वषट्‌कारो भूतभव्यभवत्प्रभु: ।
भूतकृद्भूतभृद्भावो भृतात्मा भूतभावन: ॥१४॥
पूतात्मा परमात्मा च मुक्तानां परमा गति: ।
अव्यय: पुरुष: साक्षी क्षेत्रज्ञोऽक्षर एव च ॥१५॥
योगो योगविदां नेता प्रधानपुरुषेश्वर: ।
नारसिंहवपु: श्रीमान् केशव: पुरुषोत्तम: ॥१६॥
सर्व: शर्व: शिव: स्थाणुर्भूतादिर्निधिरव्यय: ।
सम्भवो भावनो भर्ता प्रभव: प्रभुरीश्वर: ॥१७॥
स्वयम्भू: शम्भुरादित्य: पुष्कराक्षो महास्वन: ।
अनादिनिधनो धाता विधाता धातुरुत्तम: ॥१८॥
अप्रमेयो हृषीकेश: पद्मनाभोऽमरप्रभु: ।
विश्वकर्मा मनुस्त्वष्टा स्थविष्ठ: स्थविरो ध्रुव: ॥१९॥
अग्राह्य: शाश्वत: कृष्णो लोहिताक्ष: प्रतर्दन: ।
प्रभूतस्त्रिककुब्धाम पवित्रं मङ्गलं परम् ॥२०॥
ईशान: प्राणद: प्राणो ज्येष्ठ: श्रेष्ठ: प्रजापति: ।
हिरण्यगर्भो भूगर्भो माधवो मधुसूदन: ॥२१॥
ईश्वरो विक्रमी धन्वी मेधावी विक्रम: क्रम: ।
अनुत्तमो दुराधर्ष: कृतज्ञ: कृतिरात्मवान् ॥२२॥
सुरेश: शरणं शर्म विश्वरेता: प्रजाभव: ।
अह: संवत्सरो व्याल: प्रत्यय: सर्वदर्शन: ॥२३॥
अज: सर्वेश्वर: सिद्ध: सिद्धि: सर्वादिरच्युत: ।
वृषाकपिरमेबात्मा सर्वयोगविनि:सृत: ॥२४॥
वसुर्वसुमना: सत्य: समात्मा सम्मित: सम: ।
अमोध: पुण्डरीकाक्षो वृषकर्मा वृषाकृति: ॥२५॥
रुद्रो बहुशिरा बभ्रुर्विश्वयोनि: शुचिश्रवा: ।
अमृत: शाश्वतस्थाणुर्वरारोहो महातपा: ॥२६॥
सर्वग: सर्वविद्भानुर्विष्वक्सेनो जनार्दन: ।
वेदो वेदविदव्यङ्गो वेदाङ्गो वेदवित्कवि: ॥२७॥
लोकाध्यक्ष: सुराध्यक्षो धर्माध्यक्ष: कृताकृत: ।
चतुरात्मा चतुर्व्यूहश्चतुर्दंष्ट्रश्चतुर्भुंज: ॥२८॥
भ्राजिष्णुर्भोजनं भोक्ता सहिष्णुर्जगदादिज: ।
अनधो विजयो जेता विश्वयोनि: पुनर्वसु: ॥२९॥
उपेन्द्रो वामन: प्रांशुरमोध: शुचिरूर्जित: ।
अतीन्द्रा: संग्रह: सर्गो धृतात्मा नियमोयम: ॥३०॥
वेद्यो वैद्य: सदायोगी वीरहा माधवो मधु: ।
अतीन्द्रियो महामायो महोत्साहो महाबल: ॥३१॥
महाबुद्धिर्महावीर्यो महाशक्तिर्महाद्युति: ।
अनिर्देश्यवपु: श्रीमानमेयात्मा महाद्रिधृक् ॥३२॥
महेष्वासो महीभर्ता श्रीनिवास: सतां गति: ।
अनिरुद्ध: सुरानन्दो गोविन्दो गोविदां पति: ॥३३॥
मरीचिर्दमनो हंस: सुपर्णो भुजगोत्तम: ।
हिरण्यनाभ: सुतपा: पद्मनाभ: प्रजापति: ॥३४॥
अमृत्यु: सर्वद्दक् सिंह: सन्धाता सन्धिमांस्थिर: ।
अजो दुर्मर्षण: शास्ता विश्रुतात्मा सुरारिहा ॥३५॥
गुरुर्गुरुतभो धाम: सत्य: सत्यपराक्रम: ।
निमिषोऽनिमिष: स्रग्वी वाचस्पतिरुदारधी: ॥३६॥
अग्रणीर्ग्रामणी: श्रीमान्न्यायो नेता समीरण: ।
सहस्रमूर्धा विश्वात्मा सहस्राक्ष: सहस्रपात् ॥३७॥
आवर्तनो निवृत्तात्मा संवृत: सम्प्रमर्दन: ।
अह: संवर्तको वह्निरनिलो धरणीधर: ॥३८॥
सुप्रसाद: प्रसन्नात्मा विश्वधृग्विश्वभुग्विभु: ।
सत्कर्ता सत्कृत: साधुर्जह्नुर्नारायणो नर: ॥३९॥
असंख्येयोऽप्रमेयात्मा विशिष्ट: शिष्टकृच्छुचि: ।
सिद्धार्थ: सिद्धसङ्कल्प: सिद्धिद: सिद्धिसाधन: ॥४०॥
वृषाही वृषभो विष्णुर्वृषपर्वा वृषोदर: ।
वर्धनो वर्धमानश्व विविक्त: श्रुतिसागर: ॥४१॥
सुभुजो दुर्धरो वाग्मी महेन्द्रो वसुदो वसु: ।
नैकरूषो बृहद्रूप: शिपिविष्ट: प्रकाशन: ॥४२॥
ओजस्तेजोद्युतिधर: प्रकाशात्मा प्रतापन: ।
ऋद्ध: स्पष्टाक्षरो मन्त्रश्चन्द्रांशुर्भास्करद्युति: ॥४३॥
अमृतांशूद्भवो भानु: शशविन्दु: सुरेश्वर: ।
औषधं जगत: सेतु: सत्यधर्मपराक्रम: ॥४४॥
भूतभव्यभवन्नाथ: पवन: पावनोऽनल: ।
कामहा कामकृत्कान्त: काम: कामप्रद: प्रभु: ॥४५॥
युगादिकृद्युगावर्तो नैकमायो महाशन: ।
अद्दश्यो व्यक्तरूपश्च सहस्रजिदनन्तजित् ॥४६॥
इष्टोऽविशिष्ट: शिष्टेष्ट: शिखण्डी नहुषो वृष: ।
क्रोधहा क्रोधकृत्कर्ता विश्वबाहुर्महीधर: ॥४७॥
अच्युत: प्रथित: प्राण: प्राणदो वासवानुज: ।
अपां निधिरधिष्ठानमप्रमत्त: प्रतिष्ठित: ॥४८॥
स्कन्द: स्कन्दधरो धुर्यो वरदो वायुवाहन: ।
वासुदेवो बृहद्भानुरादिदेव: पुरन्दर: ॥४९॥
अशोकस्तारणस्तार: शूर: शौरिर्जनेश्वर: ।
अनुकूल: शतावर्त: पद्मी पद्मनिभेक्षण: ॥५०॥
पद्मनाभोऽरविन्दाक्ष:  पद्मगर्भ: शरीरभृत् ।
महद्धिंऋद्धो वृद्धात्मा महाक्षो गरुडध्वज: ॥५१॥
अतुल: शरभो भीम: समयज्ञो हविर्हरि: ।
सर्वलक्षणलक्षण्यो लक्ष्मीवान्समितिञ्जय: ॥५२॥
विक्षरो रोहितो मार्गो हेतुर्दामोदर: सह ।
महीधरो महाभागो वेगवानमिताशन: ॥५३॥
उद्भव: क्षोभणो देव: श्रीगर्भ: परमेश्वर: ।
करणं कारणं कर्ता विकर्ता गहनो गुह: ॥५४॥
व्ययसायो व्यवस्थान: संस्थान: स्थानदो ध्रुव: ।
परर्द्धि: परमस्पष्टस्तुष्ट: पुष्ट: शुभेक्षण: ॥५५॥
रामो विरामो विरजो मागों नेयो नयोऽनय: ।
वीर: शक्तिमतां श्रेष्ठो धर्मो धर्मविदुत्तम: ॥५६॥
वैकुण्ठ: पुरुष: प्राण: प्राणद: प्रणव: पृथु: ।
हिरण्यगर्भ: शत्रुघ्नो व्याप्तो वायुरधोक्षज: ॥५७॥
ऋतु: सुदर्शन: काल: परमेष्ठी परिग्रह: ।
उग्र: संवत्सरो दक्षो विश्रामो विश्वदक्षिण: ॥५८॥
विस्तार: स्थावरस्थाणु: प्रमाणं बैजमव्ययम् ।
अर्थोऽनर्थो महाकोशो महाभोगो महाधन: ॥५९॥
अनिर्विण्ण: स्थविष्ठोऽभूर्धर्मयूपो महामख: ।
नक्षत्रनेमिर्नक्षत्री क्षम: क्षाम: समीहन: ॥६०॥
यज्ञ इज्यो महेज्यश्च क्रतु: सत्रं सतां गति: ।
सर्वदर्शी विमुक्तात्मा सर्वज्ञो ज्ञानमुत्तमम् ॥६१॥
सुव्रत: सुमुख: सूक्ष्म: सुधोष: सुखद: सुहत् ।
मनोहरो जितक्रोधो वीरबाहुर्विदारन: ॥६२॥
स्वापन: स्ववशो व्यापी नैकात्मा नैककर्मकृत् ।
वत्सरो वत्सलो वत्सी रत्नगर्भो धनेश्वर: ॥६३॥
धर्मगुब्धर्मकृद्धर्मी सदसत्क्षरमक्षरम् ।
अविज्ञाता सहस्रांशुर्विधाता कृतलक्षण: ॥६४॥
गभस्तिनेमि: सत्त्वस्थ: सिंहो भृतमहेश्वर: ।
आदिदेवो महादेवो देवेशो देवभृदुरु: ॥६५॥
उत्तरो गोपतिर्गोप्ता ज्ञानगम्य: पुरातन: ।
शरीरभूतभृद्भोक्ता कपीन्द्रो भूरिदक्षिण: ॥६६॥
सोमपोऽमृतप: सोम: पुरुजित्पुरुसत्तम: ।
विनयो जय: सत्यसंधो दाशार्ह: सात्वतां पति: ॥
जीवो विनयितासाक्षी मुकुन्दोऽमितविक्रम: ।
अम्भोनिधिरनन्तात्मा महोदधिशयोऽन्तक: ॥६८॥
अजो महार्ह: स्वाभाव्यो जितामित्र: प्रमोदन: ।
आनन्दो नन्दनो नन्द: सत्यधर्मा त्रिविक्रम: ॥६९॥
महर्षि: कपिलाचार्य: कृतज्ञो मेदिनीपति: ।
त्रिपदस्त्रिदशाध्यक्षो महाश्रृङ्ग: कृतान्तकृत् ॥७०॥
महावराहो गोविन्द: सुषेण: कनकाङ्गदी ।
गुह्यो गभीरो गहनो गुप्तश्चक्रगदाधर: ॥७१॥
वेधा: स्वाङ्गोऽजित: कृष्णो द्दढ: सङ्कर्षणोऽच्युत: ।
वरुणो वारुणो वृक्ष: पुष्कराक्षो महामना: ॥७२॥
भगवान् भगहानन्दी वनमाली हलायुध: ।
आदित्यो ज्योतिरादित्य: सहिष्णुर्गतिसत्तम: ॥७३॥
सुधन्वा खण्डपरशुर्दारुणो द्रविणप्रद: ।
दिविस्पृक्सर्वद्दग्व्यासो वाचस्पतिरयोनिज: ॥७४॥
त्रिसामा सामगा: साम निर्वाणं भेषजं भिषक् ।
संन्यासकृच्छम: शान्तो निष्ठा शान्ति: परायणम् ॥७५॥
शुभाङ्ग: शान्तिद: स्रष्टा कुमुद: कुवलेशय: ।
गोहितो गोपतिर्गोप्ता वृषभाक्षो वृषप्रिय: ॥७६॥
अनिवर्ती निवृत्तात्मा संक्षेप्ता क्षेमकृच्छिव: ।
श्रीवत्सवक्षा: श्रीवास: श्रीपति: श्रीमतां वर: ॥७७॥
श्रीद: श्रीश: श्रीनिवास: श्रीनिधि: श्रीविभावन: ।
श्रीधर: श्रीकर: श्रेय: श्रीमाँल्लोकत्रयाश्रय: ॥७८॥
स्वक्ष: स्वङ्ग: शतानन्दो नन्दिर्ज्योतिर्गणेश्वर: ।
विजितात्मा विधेयात्मा सत्कीर्तिश्छिन्न संशय: ॥७९॥
उदीर्ण: सर्वतश्चक्षुरनीश: शाश्चतस्थिर: ।
भूशयो भूषणो भूतिर्विशोक: शोकनाशन: ॥८०॥
अर्चिष्मानर्चित: कुम्भो विशुद्धात्मा विशोधन: ।
अनिरुद्धोऽप्रतिरथ: प्रद्युम्नोऽमितविक्रम: ॥८१॥
कालनेमिनिहा वीर: शौरि: शूरजनेश्वर: ।
त्रिलोकात्मा त्रिलोकेश: केशव: केशिहा हरि: ॥८२॥
कामदेव: कामपाल: कामी कान्त: कृतागम: ।
अनिर्देश्यवपुर्विष्णुर्वीरोऽनन्तो धनञ्जय: ॥८३॥
ब्रह्मण्यो ब्रह्मकृद्‌ब्रह्मा ब्रह्म ब्रह्मविवर्धन: ।
ब्रह्मविद्‌ब्राह्मणो ब्रह्मी ब्रह्मज्ञो ब्राह्मणप्रिय: ॥८४॥
महाक्रमो महाकर्मा महातेजा महोरग: ।
महाक्रतुर्महायज्वा महायज्ञो महाहवि ॥८५॥
स्तव्य: स्तवप्रिय: स्तोत्रं स्तुति: स्तोता रणप्रिय: ।
पूर्ण: पूरयिता पुण्य: पुण्यकीर्तिरनामय: ॥८६॥
मनोजवस्तीर्थकरो वसुरेता वसुप्रद: ।
वसुप्रदो वासुदेवो वसुर्वसुमना हवि: ॥८७॥
सद्‌गति: सत्कृति: सत्ता सद्भूति: सत्परायण: ।
शूरसेनो यदुश्रेष्ठ: सन्निवास: सुयामुन: ॥८८॥
भूतावासो वासुदेव: सर्वासुनिलयोऽनल: ।
दर्पहा दर्पदो द्दप्तो दुर्धरोऽथापराजित: ॥८९॥
विश्वमूर्तिर्महामृर्तिर्दीप्तमूर्तिरमूर्तिमान् ।
अनेकमृर्तिरव्यक्त: शतमूर्ति: शतानन: ॥९०॥
एको नैक: सव: क: किं यत्तत्पदमनुत्तमम् ।
लोकबन्धुर्लोकनाथो माधवो भक्तवत्सल: ॥९१॥
सुवर्णवर्णो हेमाङ्गो वराङ्गश्चन्दनाङ्गदी ।
वीरहा विषम: शून्यो घृताशीरचलश्चल: ॥९२॥
अमानी मानदो मान्यो लोकस्वामी त्रिलोकधृक ।
सुमेधा मेधजो धन्य: सत्यमेधा धराधर: ॥९३॥
तेजोवृषो द्युतिधर: सर्वशस्त्रभृतां वर: ।
प्रग्रहो निग्रहो व्यग्रो नैकश्रृङ्गो गदाग्रज: ॥९४॥
चतुर्मूर्तिश्चतुर्बाहुश्चतुर्व्यूहश्चतुर्गति: ।
चतुरात्मा चतुर्भावश्चतुर्वेदविदेकपात् ॥९५॥
समावर्तोऽनिवृत्तात्मा दुर्जयो दुरतिक्रम: ।
दुर्लभो दुर्गमो दुर्गो दुरावासो दुरारिहा ॥९६॥
शुभाङ्गो लोकसारङ्ग: सुतन्तुस्तन्तुवर्धन: ।
इन्द्रकर्मा महाकर्मा कृतकर्मा कृतागम: ॥९७॥
उद्भव: सुन्दर: सुन्दो रत्ननाभ: सुलोचन: ।
अर्को वाजसन: श्रृङ्गी जयन्त: सर्वविञ्जयी ॥९८॥
सुवर्णविन्दुरक्षोभ्य: सर्ववागीश्वरेश्वर: ।
महाह्वदो महागर्तो महाभूतो महानिधि: ॥९९॥
कुमुद: कुन्दर: कुन्द: पर्जन्य: पावनोऽनिल: ।
अमृतांशोऽमृतवपु: सर्वज्ञ: सर्वतोमुख: ॥१००॥
सुलभ: सुव्रत: सिद्ध: शत्रुजिच्छत्रुतापन: ।
न्यग्रोधोदुम्बरोऽश्वत्थश्चाणूरान्ध्रनिषूदन: ॥१०१॥
सहस्रार्चि: सप्तजिह्व: सप्तैधा: सप्तवाहन: ।
अमूर्तिरनधोऽचिन्त्यो भयकृद्भयनाशन: ॥१०२॥
अणुर्बृहत्कृश: स्थूलो गुणभृन्निर्गुणो महान् ।
अधृत: स्वधृत: स्वास्य: प्राग्वंशो वंशवर्द्धन: ॥१०३॥
भारभृत्कथितो योगी योगीश: सर्वकामद: ।
आश्रम: श्रवण: क्षाम: सुपर्णो वायुवाहन: ॥१०४॥
धनुर्धरो धनुर्वेदो दण्डो दमयिता दम: ।
अपराजित: सर्वसहो नियन्ता नियमो यम: ॥१०५॥
सत्त्ववान्सात्त्विक: सत्य: सत्यधर्मपरायण: ।
अभिप्राय: प्रियार्होऽर्ह: प्रियकृत्प्रीतिवर्धन: ॥१०६॥
विहायसगतिर्ज्योति: सुरुचिर्हुतभुग्विभु: ।
रविर्विरोचन: सूर्य: सविता रविलोचन: ॥१०७॥
अनन्तो हुतभुग्भोक्ता सुखदो नैकजोऽग्रज: ।
अनिर्विण्ण: सदामर्पी लोकाधिष्ठानमद्भुत: ॥१०८॥
सनात्सनातनतम: कपिल: कपिरष्यय: ।
स्वस्तिद:स्वस्तिकृत्स्वस्ति स्वस्तिभुक्स्वस्तिदक्षिण: ॥१०९॥
अरौद्र: कुण्डली चक्री विक्रम्यूर्जितशासन: ।
शब्दातिग: शब्दसह: शिशिर: शर्वरीकर: ॥११०॥
अक्रूर: पेशलो दक्षो दक्षिण: क्षणिणां वर: ।
विद्वत्तमो वीतभय: पुण्यश्रवणकीर्तन: ॥१११॥
उत्तारणो दुष्कृतिहा पुण्यो दुःस्वप्ननाशन: ।
वीरहा रक्षण: सन्तो जीवन: पर्यवस्थित: ॥११२॥
अनन्तरूपोऽनन्तश्रीजितमन्युर्भयापह: ।
चतुरस्त्रो गभीरात्मा विदिशो व्यादिशो दिश: ॥११३॥
अनादिर्भूर्भुवो लक्ष्मी: सुवीरो रुचिराङ्गद: ।
जननो जनजन्मादिर्भीमो भीमपराक्रम: ॥११४॥
आधारनिलयो धाता पुष्पहास: प्रजागर: ।
ऊर्ध्वग: सत्पथाचार: प्राणद: प्रणव: पण: ॥११५॥
प्रमाणं प्राणनिलय: प्राणभृत्प्राणजीवन: ।
तत्त्वं तत्त्वविदेकात्मा जन्ममृत्युजरातिग: ॥११६॥
भूर्भुव: स्वस्तरुस्तार: सविता प्रपितामह: ।
यज्ञो यज्ञपतिर्यज्वा यज्ञाङ्गो यज्ञवाहन: ॥११७॥
यज्ञभृद्यज्ञकृद्यज्ञी यज्ञभुग्यज्ञसाधन: ।
यज्ञान्तकृद्यज्ञगुह्यमन्नमन्नाद एव च ॥११८॥
आत्मयोनि: स्वयंजातो वैखान: सामगायन: ।
देवकीनन्दन: स्रष्टा क्षितीश: पापनाशन: ॥११९॥
शङ्खभृन्नन्दकी चक्री शार्ङ्गधन्वा गदाधर: ।
रथाङ्गपाणिरक्षोभ्य: सर्वप्रहरणायुध: ॥१२०॥

।। सर्वप्रहरणायुध ॐ नम इति ।।।

इतीदं कीर्तनीयस्य केशवस्य महात्मन: ।
नाम्नां सहस्रं दिव्यानामशेषेण प्रकीर्तितम् ॥१२१॥
य इदं श्रृणुयान्नित्यं यश्चापि परिकीर्तयेत् ।
नाशुभं प्राप्नुयात्किञ्चित्सोऽमुत्रेह च मानव: ॥१२२॥
वेदान्तगो ब्राह्मण: स्यात्क्षत्रियो विजयी भवेत् ।
वैश्यो धनसमृद्ध: स्याच्छूद्र: सुखमवाप्नुयात् १२३॥
धर्मार्थी प्रप्नुयाद्धर्मर्थार्थी चार्थमाप्नुयात् ।
कामानवाप्नुयात्कामी प्रजार्थी प्राप्नुयात्प्रजाम् ॥१२४॥
भक्तिमान्य: सदोत्थाय सुचिस्तद्‌गतमानस: ।
सहस्रं वासुदेवस्य नाम्नामेतप्रकीर्तयेत् ॥१२५॥
यश: प्राप्नोति विपुलं ज्ञातिप्राधान्यमेव च ।
अचलां श्रियमाप्नोति श्रेय: प्राप्नोत्यनुत्तमम् ॥१२६॥
न भयं व्कचिदाप्नोति वीर्यं तेजश्च विन्दति ।
भवत्यरोगो द्युतिमान्वलरूपगुणान्वित: ॥१२७॥
रोगार्तो मुच्यते रोगाद्धद्धो मुच्यते बन्धनात् ।
भयान्मुच्येत भीतस्तु मुच्येतापन्न आपद: ॥१२८॥
दुर्गाण्यतितरत्याशु पुरुष: पुरुषोत्तमम् ।
स्तुवन्नामसहस्रेण नित्यं भक्तिसमन्वित: ॥१२९॥
वासुदेवाश्रयो मर्त्यो वासुदेवपरायण: ।
सर्वपापविशुद्धात्मा याति ब्रह्म सनातनम्: ॥१३०॥
न वासुदेवभक्तानामशुबं विद्यते व्कचित् ।
जन्ममृत्युजराव्याधिभयं भैवोपजायते ॥१३१॥
इमं स्तवमधीयान: श्रद्धाभक्तिसमन्वित: ।
युज्येतात्मसुखक्षान्तिश्रीधृतिस्मृतिकीर्तिभि: ॥१३२॥
न क्रोधो न च मात्सर्यं न लोभो नाशुभा मति: ।
भवन्ति कृतपुण्यानां भक्तानां पुरुषोत्तमे ॥१३३॥
द्यौ: सचन्द्रार्कनक्षत्रा खं दिशो भूर्महोदधि: ।
वासुदेवस्य वीर्येण विधृतानि महात्मन: ॥१३४॥
ससुरासुरगन्धर्वं सयक्षोरगराक्षसम् ।
जगद्वशे वर्ततेदं कृष्णस्य सचराचरम् ॥१३५॥
इन्द्रियाणि मनो बुद्धि: सत्त्वं तेजो बलं धृति: ।
वासुदेवात्मकान्याहु: क्षेत्रं क्षेत्रज्ञ एव च ॥१३६॥
सर्वागमानामाचार: प्रथमं परिकल्पते ।
आचारप्रभवो धर्मो धर्मस्य प्रभुरच्युत: ॥१३७॥
ऋपय: पितरो देवा महाभूतानि धातव: ।
जङ्गमाजङ्गमं चेदं जगन्नारायणोद्भवम् ॥१३८॥
योगो ज्ञानं तथा सांख्यं विद्या: शिल्पादि कर्म च ।
वेदा: शास्त्राणि विज्ञानमेतत्सर्वं जनार्दनात् ॥१३९॥
एको विष्णुर्महद्भूतं पृथग्भूतान्यनेकश: ।
त्रींल्लोकान्व्याप्य भूतात्मा भुङेक्तविश्वभुगव्यय: ॥१४०॥
इमं स्तवं भगवतो विष्णोर्व्यासेन कीर्तितम् ।
पठेद्य इच्छेत्पुरुष: श्रेय: प्राप्तुं सुखानि च ॥१४१॥
विश्वेश्वरमजं देवं जगत: प्रभवाप्ययम् ।
भजन्ति ये पुष्कराक्षं न ते यान्ति पराभवम् ॥१४२॥

अर्जुन उवाच:-
पद्मपत्रविशालाक्ष पद्मनाभ सुरोत्तम ।
भक्तानामनुरक्तानां त्राता भव जनार्दन ॥१४३॥

श्रीभगवानुवाच:-
यो मां नामसहस्रेण स्तोतुमिच्छति पाण्डव ।
सोऽहमेकेन श्लोकेन स्तुत एव न संशय: ॥१४४॥
नमोऽस्त्वनन्ताय सहस्रमूर्तये, सहस्रपादाक्षिशिरोरुबाहवे ।
सहस्रनाम्ने पुरुषाय शाश्वते, सहस्रकोटीयुगधारिणे नम: ॥१४५॥
नम: कमलनाभाय नमस्ते जलशायिने ।
नमस्ते केशवानन्त वासुदेव नमोऽस्तु ते ॥१४६॥
वासनाद्वासुदेवस्य वासितं भुवनत्रयम् ।
सर्वभूतनिवासोऽसि वासुदेव नमोऽस्तु ते ॥१४७॥
नमो ब्रह्मण्यदेवाय गोब्राह्मणहिताय च ।
जगद्धिताय कृष्णाय गोविन्दाय नमो नम: ॥१४८॥
आकाशात्पतितं तोयं यथा गच्छति सागरम् ।
सर्वदेवनमस्कार: केशवं प्रति गच्छति ॥१४९॥
एष निष्कण्टक: पन्था यत्र सम्पूज्यते हरि: ।
कुपथं तं विजानीयादोविन्दरहितागमम् ॥१५०॥
सर्वदेवेषु यत्पुण्यं सर्वतीर्थेषु यत्फलम् ।
तत्फलं समवाप्रोति स्तुत्वा देवं जनार्दनम् ॥१५१॥
यो नर: पठते नित्यं त्रिकालं केशवालये ।
द्विकालमेककालं वा क्रूरं सर्वं व्यपोहति ॥१५२॥
दह्यन्ते रिपवस्तस्य सौम्या: सर्वे सदा ग्रहा: ।
विलीयन्ते च पापानि स्तवे ह्यस्मिन् प्रकीर्तिते ॥१५३॥
येन ध्यत: श्रुतो येन येनायं पठित: स्तव: ।
दत्तानि सर्वदानानि सुरा: सर्वे समर्चिता: ॥१५४॥
इह लोके परे वापि न भयं विद्यते व्कचित् ।
नाम्नां सहस्रं योऽधीते द्वादश्यां मम सन्निधौ ॥१५५॥
शनैर्दहति पापानि कल्पकोटिशतानि च ।
अश्वत्थसन्निधौ पार्थ तुलसीसन्निधौ तथा ॥१५६॥
पठेन्नामसहस्रं तु गवां कोटिफलं लभेत् ।
देवालये पठेन्नित्यं तुलसीवनसंस्थित: ॥१५७॥
नरो मुक्तिमवाप्नोति चक्रपाणेर्वचो यथा ।
ब्रह्महत्यादिकं घोरं सर्वं पापं विनश्यति ॥१५८॥

इति श्रीमन्महाभारते शतसाहरुयां संहितायां वैयासिक्यामानुशासनिके पर्वणि दानधर्मे भीष्मयुधिष्ठिरसंवादे श्रीविष्णोदिव्य: सहस्रनामस्तोत्र सम्पूर्णम्  ।।

अपने गाँव, शहर एवं अपनी सोसायटी में "श्रीमद् भागवत कथा" का आयोजन करवाने के लिए संपर्क करें ।।

Contact Mob No - 09375288850.
E-Mail :: dhananjaymaharaj@hotmail.com

Swami Dhananjay Maharaj.
www.dhananjaymaharaj.blogspot.in
www.facebook.com/sansthanam

।। नारायण नारायण ।।

 
Online Query
Letest News
भगवान के सभी भक्तों को दीपावली एवं नववर्ष की हार्दिक शुभकामना, नए वर्ष में भगवान नारायण एवं माँ महालक्ष्मी की पूर्ण कृपा से आप सभी ओत-प्रोत रहें ।। नमों नारायण ।।
Blog by Swami ji
Video Gallery
 
Contact Us

LOK KALYAN MISSION CHARITABLE TRUST" SILVASSA.

Phone Number :
+91-260-6538111

Mobile : +91-
+91-9375288850, +91 - 9408446211

Email :
email@dhananjaymaharaj.com

dhananjaymaharaj@hotmail.com

All Rights Reserved © 2014 Swami Dhananjay Maharaj     Design By: SEO Silvassa